(من أسباب القرف و الإنقسام اللي احنا فيه دلوقت)
----------------------------------------------------

فيه ناس بتتعب من التفكير لذلك محتاجين ناس تانية
تفكر لهم طول الوقت و تديهم تحليلها للأحداث و الخلاصة، زي والده، أو السياسي اللي بيثق فيه، أصحابه اللي حواليه، ... إلخ

و بعدين يطلع يقولها ع الفيس و تويتر و ع القهوة مع اصحابه كأنها رأيه الشخصي
و بعدين يدور ع المعلومات اللي بتأيد رأيه اللي مش شخصي
و يصدقها على طول من غير ما يتأكد منها، و لو حد شكك فيها بيدافع باستماتة
و يبني مسلمات فكرية و ثوابت على الهوا من غير أساس، تتراكم فوق بعضها زي كتل الخرسانة ...
بيفضل يردد شعارات و اكلشيهات لو فكر شوية هيلاقي نفسه مش فاهمها
بيخاف يفتح أي لينك عنوانه مخالف لشعاراته و أكلشيهاته
بيهرب من أي نقاش بجمل محفوظة و مكررة ، أو يشتمك و يجري
عنده استعداد يفترض سوء النية في كل من يخالفه، مهما كان فعله حسناً
و حسن النية في كل ما يوافق هواه مهما كان فعله مخزياً

Leave a Reply